الاتصــــــال مفقود

نائب المدير العام

كنا زمــــــان يا عرب

داخل حدود واحده

وان كنت عايز سبب

فالدين عمل وحده

والخوف بعِد عنِنا

والود ملا صدرنا

كان الاتصال موصول

برساله أو مكتوب

والطير يروُح ويطوُل

يرْجَع بعِلـْم وصول

لو حاجه حَصَلِت هِنا

تِلقىَ صداها هناك

وان جيت لنا توِّدِنا

نِفضل بنستناك

الفرحه بتعُمِّنا

والحُزن بيغـُمِّنا

علشان قلوب العرب

كانت قلوب واحده

لو حد صاح مِنِنا

يبعت أخوُه نجده

يُقف معاه ف مِحْنِتـُه

ويحل لـُه أزمِتـُه

وان كنت مش مقتنع

كتب التاريخ شاهده

رغم ان فينا بلاد

بينها بحور وبعاد

ولا كنش فيه إرسال

بينها ولا استقبال

إلا حمام زاجل

هوَّه اللي كان مِرسال

لو حد منهم قال

يسمع أخوه للقول

كنا بلاد ساجده

على فـَرْشـَه مُمْتدَّه

أولنا لو ساجد

يبقى الأخير ساجد

والكل كان ماسك

جامِد ف حبل الله

والحبل كان جامِد

والخلق فيه لابد

واما نسينا الحق

جُم فرَّقوُا بيْنـَّا

حوالينا عملوا سدود

قطـَعُوا الوصال عنـَّا

خلونا نبقى عبيد

خلونا زي اغنام

واحنا اللي كنا زمان

الكل فينا أسُوُد

كان بينـّأ فيه مسافات

والاتصال موجود

كان الاتصال جوابات

لحمام يروح ويعود

كانت بلادنا اخوات

البيض ف حُضن السُوُد

إحنا النهارده فين

بعد السنين بسنين

أصبحنا كالأغراب

واتقفـِّلِت لابواب

يمكن صحيح اليوم

طار في السما أقمـَـار

والنت أصبح نــار

وكابل لاتصالات

عدى جبال وبحار

لاكن ما بين القوم

إلإتصال مفقود

إمتى يا رب يعُـــــود

[b]انت قولتها
ده غضب ربنا علينا عشان بعدنا عن دينه
اكيد لو بطلنا" نتأمرك" هنعود اقوى من فى الارض لاننا هنكون عباد الرحمن