.....وفي آخر المدرج كان سيد الطبي طالب الطب يجلس وهوسارح الذهن وهو غير راضى عن نفسه.....بعد ساعة من المحاضرة كان الدكتور في واد و(سيد)في واد آخر
وكان هذا الحلم حيث تخيل الطب كائناً ناطقاً يتحدث إليه:
الكلية:مالك واقف مذعور ليه....مش عايش في الدور؟
قرب مني وكلمني ....فضفض ليا يادكتور
سيد:بعد ما خدت الثانوية ....99في المية
ودخلت على الكلية ....دكتور (اسم الله)عليا
معيد يكتم أنفاسي ....عامل يتحكم فيا
هستولوجي معاه فسيولوجي....وكمان كيميا حيوية
عملى ونظري وسكاشن....ومشارح في العصرية
لا أنا قادر مرة اذاكر....ولا حتى أرتاح لي شوية
الكلية:قول واتكلم بصراحة ....بس أوعى تخبي عليا
أنا عايزة أفهم منك .... دا كلامك أثر فيا
سيد:وسكنت مدينة ياستي....طرابيزة وكرسي هزيل
ودولاب مكسور وسريري....ألعن وأضل سبيل
وأكلت الفول والجبنة....من يومها صبحت عليل
لا مؤخذة ما هواش فول....دى صخور بعد التعديل
ومعايا في الأوضة تلاتة....عيسوس وحمدان وخليل
الكلية:علي فكرة العيب مش فيا....أنا يابنى أحسن كلية
ياما غيرك نفسه يشوفني .... يتمنى ويحلم بيا
علشان تطلع دكتور ....ذاكر واتعب لي شوية
حاول تبدأ ياعزيزي....والعيشة ها تبقى هنية
سيد:خدي مني وعد يا ستى ....أنا هاجاهد وهذاكر
وهشوف مصلحتي ودايماً....لكلامك هافضل فاكر
..........وفجأة استيقظ (سيد الطبي)على صوت الدكتور وهو يقول
s]]:" الأفندي اللي نايم على روحه وبيشخر في آخر صف يجيب الكارنيةويستناني في المكتب بعد المحاضرة"!!![/ا b]