على فكرة

موضوع: على فكرة الأحد نوفمبر 29, 2009 2:04 am

كلكم بتشجعوااااااااااااااااااا مصرررررررررررررررر
الا انا بشجع اللعبة الحلوة وفيها ايه لما مصر تنهزم والجزائر تفوز مش الجزائر دولة عربية
وال حصل ده ردود افعال الجزائر شعب وحش كل ما بسال حد يقولى كان نفسنا مصر تفوز
انت ايه واخدين من الكورة يااااااااارب تنجحكم اخر السنة وتجيبواااااااااااااااا تقادير
خلاص المطلوب منينا ننظر لغد
انتو ممكن تنجحوااااااااااااااااا بس بعقولكم مش برجليكم
طيب اهينا خسرنا الجزائر وسمعه مصر بالخارج ذى الذفت والحمد لله ايه تانى عاااااااااااايزين

مشرف

لوسمحت دى وجهة نظرتعبر عن راى كاتبها فقط.مفهاش حاجة ان الانسان يحب الرياضة ويشجع منتخب بلده بدون تعصب.ومش معنى ان خسرنا ماتش انتهى المشوار لا الكل نسى والحياة ماشيةعادى.واحنا ماخسرناش الجزاير هى اللى خسرتناواللى اتعمل فى اهلنا عمرنا ماحننساه وحناخد حقنا باذن الله.وبالنسبة للنجاح والتقادير فدى بيد الله ثم مجهودناوالكورة ملهاش دعوة.ولونظرنا للشعوب الاخرى المتقدمة حنلقيها بردة مهتمة بالرياضة المختلفة.وعمر ماسمعة مصر حتقل وانا ارفض ياstar انك تقول كدة مصر حتفضل طول عمرها مصر ومش ماتش او عيال تافهة حتقلل من قيمتها.واحنا الحمد ناجحين دايما بعقولنا والتاريخ قاعد وشوف.

موضوع: رد: على فكرة الأحد نوفمبر 29, 2009 12:49 pm

تقريبا لو مصر لو فازت الشعب المصرى كله كان هيبقى فرحان بس سبحانه الله محدش كان هيعرف ال كان حيحصل ايه فى الجزائر
كام شركه مصريه انضربت فى الجزائر وكام واحد مصرى انضرب
ولكن يوم لما الدنمارك مقالت ده سيدنا محمد فيه وفيه وفيه انت ياااااااااااادكتور ايه كان ردك ولا انا ايه عملت
والله لما مصر فااااازت والله انا قولت فتحنا القدس ولما اتهزمت مفيش حد طلع وفى ناس والله كانت بتبكى
وانا شوفت بعنيه ناس كبيرة ال كانت بتبكى
ده كله ليه ممكن تقولى انت عملت ايه اصلا فى اليوم النكسة ده
والرياضة لل بيلعبها مش ال بيشوفها وشكرا على تعليقك الجميل
وانت برده بتقول لو نظرنا للشعوب المتقدمة
وانت ليه بتنظر بس على الكورة عنديهم هم شعب من كترة النجاح عنديهم
بقى عنديهم الكورة وده تقريبا اخر حاجة نجحوا فيها بعد محققوا النجاح فى جميع المجالات الاخرى
اما احنا شعب نجح فى الكورة بس

مشرف

اولا احنا منجحناش فى الكورة بس والتاريخ قاعد وبدليل جوايز نوبل.اما بالنسبة للى حصل فى الدنمارك فكل الناس اتكلمت وعبرت عن غضبها الشديد وحدثت مقاطعات وعملنا اللى كان بيدينا ولكن هناك رب قادر على الانتقام مهماكانت ردود افعالنا....واعتقد ان الرياضة مش حرام عشان الواحد يشجع منتخب بلده واحنا مموتناش نفسنا ولا انتحرنا بعد مانهزمنا ولكن زعلنا لماحدث لاهلنا ولما قيل باننا يهود.......لوكان يرضيك اللى حصل انا مش حارد عليك وحاحترمك اكتر.......بس ليا سؤال انت جزائرى؟ ولو ردك بنعم فانا اتشرفت بمعرفتك واهلا بك فى منتدانا...................

المدير العام

اولا السلام عليكم وكل سنة وانتم طيبين
يا ستار انت ليك رأى وعبرت عنه بدون اى ساءة لاحد
وانت يا محمد طلعت برده عبرت عن رأيك كمان
الاختلاف فى الرأى لا يفسد للود قضية
نتكلم بهدوء ونتناقش بدون اى مشاكل او نزاعات
شكرا لبكم
طبعا بدون دخولى فى عصب الموضوع نفسه انا بأتكلم جنرال

المشرف العام

اسمحولي أنا ليا تعليق متواضع

أولا أحنا لغاية ما انتهى الماتش مباشرة يوم الأربعاء عمرنا ما كنا هنكره الجزائر على الرغم من اننا خسرنا الا اننا زعلنا لاننا كان نفسنا نتأهل لكأس العالم

لكن قولنا مش مشكلة أهي الجزائر دولة عربية واسلامية تمثلنا في المونديال

لكن الطامة الكبرى هي اللي عملوه الجزائريين بعد الماتش بل المصيبة القاتلة ان الموضوع تحول لأزمة دبلوماسية بين البلدين اللي خلى حكومة الجزائر متقدمش أي اعتذار صريح ومقبول عن اللي حصل

باختصار الموضوع مش هزيمة ماتش بل هو هزيمة كرامة المصريين

ثانيا لازم نعرف ان الجمهور الجزائري همجي بطبيعته والأدلة على ذلك اللي بيحصل عنديهم ان ماتشات كتيرة بتتلعب من غير جماهير

وفي فرنسا منعين دخول الجماهير الجزائرية بعد ما دمروا ممتلكات فرنسية علشان كده المعسكر التدريبي ليهم كان في ايطاليا مش فرنسا

ثالثا احنا اتهزمنا في ماتشات كتير وياما خرجنا من مونديالات كتيرة وأهو الشعب المصري عايش وبيتعلم وياما ناس نجحت وجابت تقديرات

أخيرا اتفق اننا فعلا لازم منديش الكورة أكتر من حقها عمال على بطال بحيث متأثرش على تعليمنا

لكن مفيش مانع نسمع ماتشات المنتخب المصري

شكرا على المناقات الجميلة

موضوع: رد: على فكرة الإثنين نوفمبر 30, 2009 1:21 am

انا الوطن العربى مش جزائرى بس اعتبرنى صوت وصورة للوطن العربى
معتقدش ان فى حاجة تنقال بعد كده
اشكر كل واحد علق

» فكرة مجنونة ومفيدة