الى اخوانى الصغار طلاب الفرقه الرابعة

ابسم الله الرحمن الرحيم
اخوانى الصغار افراد الفرقه الرابعه مبارك لكم النجاح واجتياز مرحله العلوم الاساسيه فى الطب ودخولكم الى المرحله الفعليه للطب وهى المرحله الاكلينكيه والتى سوف تشعر فعلا بجمال الدراسه وانك طبيب
المهم عليك ان تعلم ان المريض هو ابوك او اخوك او امك او اى من المقربين لك فله حق عليك ان تعامله كانسان
وليس كعبد انت تملكه واعلم انك محاسب عليه امام الله فى يوم لا درهم هناك ولا دينار فاحذر اسعباد المرضى وعلم انهم بشر
وبذل كل جهدك لانك سوف تقف امام احد اصدقائك او اقاربك ويقول لك : "يا دكتور انتوا بتاخدوا ايه السنه دى "
سترد :"رمد وانف واذن وشرعى وصحه عامه "
هيقولك "رمد !!!!!!!!!! طيب والله يا دكتور انا عينى تعبانى خالص ومش عارف مالها؟؟؟؟؟؟؟؟؟؟"
انت هتعمل زى الوحش وتقوله اكشفلك عليها وتجيب التورش بتاعك وتبص فى عينه
وهنا تظهر الكارثه !!!!!!!!!!!!!!!!!!!!!
انك مش شايف حاجه؟؟؟؟؟؟؟؟؟؟؟
فلا توقع نفسك فى الحرج
ونكمل فى المره القادمه

شكرا ليك على النصائح الغاليه دى
ربنا يقدرنا ونكمل مشوارنا على خير
متخافش من حكايه التورش خالص فأحنا مش حنجيب سيرته لحد
توب سيكرت يعنى
شكرا مرة تانيه

المهم يا شباب انكم تستحضروا النيه وتذاكروا من مصدر محترم تفتخر انك بتذاكر منه وانا ان شاء الله معاكم ومع كل اخوانى الصغار وابناء محافظتى الغاليه يد بيد الى ان نرتقى بها
مثلا من افضل كتب الشرعى كتاب اسيوط بتاع القسم بالاضافه الى حضور محاضرات الشرعى لانها مهمه خالص علشان تفهم لان فى حاجات مش هتتفهم الا من خلال الصور والايضاء من المحاضر ونصيحه اسمعوا شرايط كورسات القاهره وعين شمس بيتاعه السموم خاصه لان السموم صعبه شويه ومحتاجه فهم جامد
وامل بالنسبه للENTاقصد الانف والاذن والحنجره فعليك بمسعد بتاع القصر العينى كتاب قمه الاحترام والانجاز والتشويق وكذلك الشرايط بتاعته واللى عاوز يتوسع يشوف محمد فريد اما الطوحين والناس اللى عاوزه تتخصص انف واذن فعليهم بالشناوى كتاب وهم بس كبييييييييييير خالص
والرمد نصيحه اياكم حد يذاكر من الرفاعى كتاب هبل وعبط وقديم انا عن نفسى ذاكرت من كتاب القصر العينى القسم كتاب ملهوش حل وممكن تكلموا بتاع مكتبه الشرق الاوسط يجيبهولكم من القاهره هو زى كتاب ياسر بس محترم وفيه معلومه جامده ومقارنات مهمه للغايه واسئله D.D مهمه فى النظرى والشفوى وحتى فى حياتك غير انه فيه العملى وصور الوان مع طبعا شرايط ياسر او الكفراوى والكفراوى محترم لكن كبير
والصحه العامه من كتاب القسم وهى اصلا ماده حقيره وهتشوفوا انا مبحباش خالص وبعد ما تشوفوها هتشاركونى الرأى بس هى عليها اكبر نمره فى الامتحان 300 درجه لذلك لابد تحترم وتنحنى لها
وهنكمل بعدين بس ادعولنا علشان علينا امتحانات اعمال سنه