دليلك للفرقة التالتة ......لكل سنة تالتة جديد

elslam 3lekm
tab3n a7na sam3na an sina tlta sa3ba
3lshan kda naltlkm almdo3 da
ea rab efedkm
السلام عليكم ورحمة الله وبركاته


كل سنة وأنتم طيبين .. مضت سنة جديده من عهدنا بكلية الطب


فينا من وفق والحمد لله وبإذن الله يسير على الدرب
وفينا من أخفق وكانت نتيجته بعيده عن آماله .. فبإذن الله يستطيع تقييم سلبيات السنة والتغلب عليها بإذن الله



موضعونا موجه لشباب تانية إن شاء الله


مبارك ليكم على النتيجة في البداية ..


طبعا أنتم إن شاء الله مقبلين على سنة على حسب ما نسمع عنها جميعا هي بعبع كلية الطب .. هي السنة المعجزة .. أصعب سنة في الكلية (( ده الكلام اللى بنسمعه ))


مش هننكر الكلام ده .. لكن عاوزين ناخده بشئ من المنطقية


مبدأيا هي ايه صعوبة سنة تالته ؟؟


صعوبة سنة تالته تكمن في إنك مطالب تخرج بكم كبير جدا من المعلومات في وقت قصير
مطالب بأنك تكون القاعده الطبية ليك اللى هتنطلق على اساسها ان شاء الله في سنوات الكلينكال


دايما سنة تالته بتقلب الموازين .. يعني ناس بتطلع وناس بترجع


وعلى فكره اللى بيقدر يثبت في سنة تالته بيكمل إن شاء الله بعدين


عامة كون انك تحافظ على مكانك في سنة تالته ده في حد ذاته كويس لان هي سنة الكل بيشد فيها


طيب ايه المطلوب للإستعداد ليها ؟؟


احنا في اجازة يبقى لازم ناخد اكبر قدر من الراحة والاستجمام قبل السنة ده .. لانه يوم ما هتبدا السنة مش هيبقى فيه مجال للراحة .. ولازم نبقى كلنا على استعداد اننا ناخد السنة ده كتحدي ومنضعفش فيها ابدا


هتمر لحظات تعب كتير وهتمر لحظات زهق وارهاق .. لكن الهدف هو اللى بيخليك تكمل المسيرة ..


إذن مطلوب راحة .. مطلوب عزيمة .. مطلوب إصرار .. مطلوب جهد كبير


نظرة سريعة على سنة تالته


المجموع الكلي 950 درجة


أربع مواد


الباثولوجي 300 درجة
الفارما كولوجي 300 درجة
الميكروبيولجي 200 درجة
البارسيتولوجي 150 درجة


هنتناول مادة مادة بإذن الله بالتفصيل


الفارماااا
الميكــــرو
الباثولوجـــي

الفـــــــارماكـــولوجي

ألذ وأمتع مادة في سنة تالته

المادة ده هتحسسك انك دكتور فعلا وهي اقرب مادة لدراسة الكلينكال وطبعا هتحتاجها فيما بعد كتير

طيب ايه هي الفارما ؟؟

الفارما هي علم الأدوية .. بندرس فيها مجموعات الأدوية المختلفة بداية من كيفية امتصاصها وهضمها مرورا بدورها في الجسم وتأثيرها على أجهزة الجسم المختلفة ومن ثم أعرضاها الجانبية وامتى تكون ممنوعة

وبرده بناخد فكرة عن كيفية علاج الأمراض الشهيرة

توزيع الدرجات

300 درجة بتنقسم ل

150 درجة نظري مقسمة على ورقتين كل ورقة 75 درجة
60 درجة عملي
30 درجة شفوي
60 درجة أعمال سنة نظام التدريس

تلت محاضرات أسبوعية وسكشن أسبوعي

المحاضرات بيكون فيه محاضرتين ساعتين ومحضره ساعة .. ومش دايما بيمشوا بترتيب الكتاب يعني بيكون فيه نظام معين للشرح

وبيخلصوا المنهج في شهر أربعه

العملي بيكون سكشن كل أسبوع

العملي بينقسم لجزأين

Experimetal and clincial

الجزأ الاول ال exprimental
بيكون في التيرم الأول وهو عبارة عن كيرفات بتدروسها
يعني دور الأدوية في التأثير على المعدة والقلب والعين والضغط وكده في صورة كيرفات

وده بيكون الجزأ الأسهل

الجزأ الثاني هو ال clinical
وده بيكون عبارة عن كيسز عن أشهر الأمراض اللى هناخدها في النظري يعني زي السكر والقرحة المعدية والذبحة الصدرية والأنيميا وكده يعني

امتحان العملي بيكون بستين درجة
بيبقى عباره عن كيرفين وكيستين

طيب مذاكرة الفارما ازاي ؟؟

مذاكرة الفارما بتيجي بالتكرار والمراجعه الكتير

ونصيحة انك من اول السنة تحفظ الفارما تبقى عارف كل دوا ليه كام استخدام وكام side effect وكده

التجميعات مش بيكون ليها دور غير في الشفوي لكن هي بتساعد كتير على الحفظ .. والتجميعات بتكون مشهورة ومنتشرة

أهم حاجه كل ما تخلص شابتر تراجعه وتربط الدنيا ببعض وتحل mcq كتير
سيبك من الأسامي التجارية ده هتعرفها بعدين وممكن تبقى تعيش حياتك فيها بعد ما تخلص سنة تالته ان شاء الله

طبعا كل ما يقابلك دوا امسكه وافتح البمفلت بتاعه واقراه واعرف المادة الفعالة .. ده هيثبت الادوية ف دماغك

باختصار ذاكر الفارما باستمتاع وراجع كتييييييير
mankooooool

المايكــــــــروبيولوجي





ده العلم الللى بيختص بدراسة ال micro-organisms




يعني بدرس الكائنات الدقيقة اللى هي البكتريا والفيروسات والفطريات




توزيع الدرجات




200 درجة




100 درجة نظري وده أكبر امتحان نظري في سنة تالته


20 درجه شفوي


30 درجة عملي


30 درجة امتحانين لأعمال السنة كل واحد ب 15


20 درجة غياب





نظام التدريس





الميكرو ليه محاضرتين في الأسبوع محاضره ساعة ومحاضرة ساعتين


وسكشن واحد كل أسبوع




المنهج عبارة عن جزأين




الجزا الاول اللى هتاخدوه في الترم الاول بيشمل




general microbiology & immunology




بيشمل تركيب البكتريا والفيرس بصفة عامة ووظائفها الحيوية والميتابولزم بتاعها بالإضافة لتركيبها الجيني والتوارث وكيفية مقاومة البكتريا ده وأمراضها وعلاجها والوقاية منها





ده الجزأ الخاص بالجنرال





اما الامينو فبندس فيه علم المناعة ككل بكل أنواعها وطرقها وكيفياتها والخلايا المسئولة عنها والتطعيمات والامراض المناعية وكل حاجه




الجزأ ده هو أكتر جزأ محتاج فهم في الميكرو وهو سهل جدا بس يتفهم مش يتحفظ لكن بيبقى سلسل جدا ومرتبط بحياتنا لحد كبير وفيه شغل كلينكال كتير برده




اما الجزأ التاني اللى هيتاخد في الترم التاني فهو




Bacteriology , Virology and mycology




هو متقسم لتلت أجزاء




الاول وهو اكبرهم واهمهم وهو الباكتريولوجي وده بندرس فيه بكتريا بكتريا




في كل بكتريا بندرس خصائصها واسمائها المختلفة وال virulence factors يعني العوامل اللى فيها بتخليها تهاجم الهوست بتاعها


وبعدين بندرس الأمراض اللى بتعملها


وازاي نعملها diagnosis في المعمل


وأخيرا ازاي نعالجها ونكون عندنا وقاية منها




اهم حاجه بنركزعليها وبيكون فيها كل الأسئلة





virulence factors


pathogenesis & disseases


diagnosis


treatment (ttt) & prevention


vaccination






الجزأ التاني هو الفيرولوجي وهو تقريبا قريب من البكتريا مبيفرقش كتير بندرس فيه برده نفس الايتمز بس في الفيرولوجي بنهتم اكتر بالكلينكال بتاع المرض لانها كلها امراض مهمة جدا




زي hepatitis , herpes , influnza virus , rhabes وكده يعني





الجزأ الأخير بيكون الميكولوجي وده بندرس فيه الطفيليات


هو صغير وفي الامتحانين اللى الدكتور رفعت حطهم لغى الميكولوجي كله ما عدا جدول كده لامم الميكولوجي كله باختصار ومخرجش عنه فعلا في الميكولوجي




فيه بقه تجميعات بتكون بصفة عامة بنركز عليها اخر السنة برده




يعني ايه البكتريات مثلا اللى بتعمل urinary tract infection وهكذا ..





طيب مذاكرة الميكرو ازاي ؟؟




ف الجنرال والامينولوجي بنذاكر زي اي مادة عادية مفيش اختلاف يعني




بتقرا الكلام وتفهمه وتبدا تحفظ




لكن في الباكتريولوجي والفيرولوجي زي ما قلت قبل كده لازم نركز جدا على




Virulence factors



pathogeneis



diagnosis



ttt



vaccination



prevention

mankooooool

الباثولوجـــــــــــي




هو علم الأمراض .. بندرس فيه أمراض الجسم كلها





توزيع الدرجات



300 درجة





150 نظري مقسمه على ورقتين كل ورقة 75

70 درجة عملي
20 درجة شفوي
60 درجة اعمال سنة ما بين امتحانات وغياب وشيتات



نظام التدريس





الباثولوجي له محاضرتين في الأسبوع كل محاضره ساعتين



المهم ف الاخر انه اربع ساعات محاضرات




وعندك سكشنين باثولوجي في الاسبوع وده المختلف عن باقي المواد



سكشن شرايح وسكشن متحف




بالنسبة للنظري المنهج بينقسم لكتابين




General Pathology




وده منهج الترم الأول وده بندرس فيه الأمراض بصفه عامة بغض النظر هي في انهي مكان ولا اي سيستم ولا اسمها ايه



يعني بندرس مثلا موت الخلايا



بندرس الأتهابات بصفة عامة



بندرس التئام الجروح



بندرس الامراض البكتيرية والطفيلية والفيروسات



بندرس الامراض المناعية



بندرس السرطان وهو ده اكبر شابتر في الجنرال واهمهم




دراسة الجنرال مهمة جدا وبتفتحلك السبشيل



وبتطلع من الجنرال بصمطبات ثابته بتطبقها بعد كده في السبشيل



يعني مثلا بتبقى عارف اي التهاب فيه ايه .. وبالتالي اي مرض فيه التهاب هتقول فيه نفس الكلام



بتبقى عارف اشكال التيومر وبالتالي اي تيومر بتكتب الصطمبه العامة وبعد كده تبقى تخصص




الجنرال هيبقى ممل وانت بتذاكره لاول مرة خاصة انه فيه حفظ كتير وهتحفظ حاجات انت مش فاهمها اصلا لان ذكرها هيجي بعد كده في السبشيل .. لكن لو ذاكرت الجنرال كويس من أول السنة هيفيدك جدا في السبشيل




الكتاب التاني



Special Pathology




وده بندرس فيه أمراض سيستم سيستم في الجسم




يعني الجهاز الدوري التنفسي البولي التناسلي العصبي ... إلخ




الجنرال زي ما اتفقنا هيساعد كتير اوي فيه




وتقريبا اي مرض بتحتاج تعرف عنه حاجات معينه




يعني اي مرض لازم تعرف فيه




Def تعريفه



Etiology سببه



Incidence بيحصل اكتر ف سن كام وف انهي جنس



Pathogenesis يعني بيحصل ازاي



Gross picture يعني العضو المصاب ده بتشوفه ازاي بعينك المجرده



Microscopic العضو المصاب ده بتشوفه ازاي تحت المكرسكوب



Complication يعني مضاعفات المرض



Fate نهاية المرض ده




الكلام يبان لذيذ وكله طب بقه .. لكن الواقع بيبقى مغاير شوية خاصة مع الكم الهائل من الامراض اللى هتاخده هتلاقي الدنيا بدات تخش ف بعضها .. لكن الامور لحد كبير بتتظبط اخر السنة



العملي




العملي بستين درجه




بينقسم لأربع حاجات




الشرايح




بتاخد على مدار السنة ما يقارب الستين شريحة



ف الامتحان بينزلك اربع شرايح مطالب تتعرف عليهم



الشريحة بسبع درجات وده طبعا درجات كتير جدااااااا وضياعها سهل عشان كده العملي هو اكتر حاجه بتخوف ف الباثولوجي




انتوا اول السنة بتستلموا علب شرايح من القسم كل عشرة ف علبه مع بعض



ده زائد ان كل اتنين او تلاته مع بعض بيشتروا علبة برايفت من بره القسم



وبتبداوا تشوفوا العلب ده على مدار السن مع السكاشن



لحد شهر اتنين كده بتبداوا تبدلوا العلب مع بعض



لان انتوا بتشوفوا نفس الشريحة لكن باشكال مختلفة لان كل شريحة ليها اشكال كتير




فانت محتاج تشوف اكبر عدد من الشرايح عشان عينك تاخد عليها





الجارات




عندكوا 152 جار



اتخضيتوا ؟؟؟؟




لا بسيطة ان شاء الله



هم اول السنة هتحس انهم حكاية وفيلم كبير وكل جار عليه كومنت كبير واسئلة وكده



انت تشيل دماغك من موضوع الجارات ده خالص طول السنة




اخر السنة بيتذاكروا باليسيتمات يعني جارات اللنج مع بعض وجارات الهارت مع بعض وهكذا



وبينزل جداول لكل جارات الهارت مثلا بتكتب فيها كذه مع اختلاف جار كذه تضيف كذه فبتبقى سهله



فمتحطوش ف دماغكم موضوع الجارات ده خالص لاخر السنة




وهي اصلا غير الانتومي كان فيه ارقام والمفروض تعرفها وكده




لا ده سبوت ديجنوزز للعينة بس





الصور




عندكوا 154 صورة سليد



و 152 صورة جار


طيب مذاكرة الباثولوجي ازاي ؟؟




مذاكرة الباثولوجي بصراحه ممله شوية .. يعني تكرار وتكرار ومقارنات وجداول تطلع الفروق




السبشيل بيبقى مذاكرته اسهل لانه صطمبات ثابته وبتغير عليها وبتحدد الفروقات بين الامراض وتركز عليها




لكن هتحتاج انك تراجع كتير عشان تثبت



وهتحس طول السنة انك مش فاكر ولا كلمة من اللى ذاكرته وده طبيعي بس ايام الامتحانات بتتحل يعني ان شاء الله



mankooool

الحمد لله وصلت لنهاية الموضوع بعد عناء وتعب
لكنى حاسس بحاجة واحده ممكن اعبر عنها شللللللللللللللللللل نصفى
وكماااااااااااااااااااان صدااااااااااااع نصفى ودوخة وغثيان الخخخخخخخخخخخخخخخ
المهم ربنا يكون فى عونا ونعدى السنة دى على خير
شكرا ليكى dr muslima على نشاطك الجميل ده
دى مش مبالغة بس بجد انا بأشكرك جدا على نشاطك الواضح فى المنتدى