اسئلة رخمة واجاباتها ارخم منها

هاى يا جماعة انا لقيت شوية الاسئلة دى على منتدى فحبيت اجيبهالكو عشان ارخم بيها عليكو

و انا عايزة اقوللكو من الاول كده بلاش تفكروا تحلوها لانكو هتتشللوا لما تقروا الاجابات
لو مش مصدقين تعالو كده شوفو

صخرة وقعت من فوق عمارة ولوح الإزاز اللى تحتها مانكسرش- ليه ؟؟
علشان ما وقعتش عليه

-طب فرخة بتعدى الشارع وماتت فجأة - ليه؟؟
الصخرة وقعت عليها

-ليه الواحد بيحط جنبه كباية شاى قبل ما بينام؟؟
علشان الشاى منبه

-وطب وليه بيحط جنب كباية الشاى فنجان قهوة ؟؟
علشان لو الشاى ما رنش

طب ليه بيحط جنبة كباية ماية فاضية وواحدة مليانة ؟؟
علشان يمكن يشرب ويمكن ما يشربش

-وليه بيحط ملح على راسه ؟؟
علشان يبقى حدق

-وليه بيحط سكر على الكرسى قبل ما يقعد ؟؟
عشان تبقى قعدته حلوة

-حاجة بيضاء طايرة فى السما بتقول نياو تبقى ايه ؟؟
قطة بيضاء مضروبة بالشلوت

- طب حاجة سودا طايرة فى السما بتقول نياو ؟؟
غراب بيستهبل

-طب حاجة بنى طايرة فى السما وما بتقولشى حاجة ايه هى ؟؟
فردة الجزمة بتاعة الراجل اللى ضرب القطة

-طب حاجة سودا طايرة فى السما وما بتقولشى حاجة ايه هى؟؟
غراب عاقل وما بيحبش الاستهبال


-حاجة زرقا طايرة فى السما ايه هى ؟؟
دبانة لابسة بنطلون جينز ازرق


-طب حاجة سودا طايرة فى السمامن الشرق للغرب وفيها خط احمر ايه هى ؟؟
دبانة لابسة فستان سوارية وحاطة روج ورايحة فرح واحدة صاحبتها

- طب حاجة سودا طايرة فى السما من الغرب للشرق و فيها خط أحمر ؟؟
نفس الدبانة نسيت حاجة فى البيت راجعة تجيبها

-حاجة سودا ماشية فى الصحرا ايه هى ؟؟؟
سرب نمل رايح يعزى

-نقطة سودا على الحيطة ؟؟
دبانة

-طب نقطتين سود على الحيط تبقى ايه ؟؟؟
فيشة

-طب 3 نقط سود على الحيط تبقى ايه ؟؟؟
دبانة وفيشة

-طب 54 نقطة سودة على الحيط تبقى ايه ؟؟؟
يبقى البياض بيقشر

-حاجة رفيعة وطويلة لونها ابيض ايه هى ؟؟؟
فتلة بيضاء

-طب حاجة رفيعة وطويلة لونها اسود تبقى ايه ؟؟؟
خيال الفتلة البيضاء

هههه
مش بقوللكو هتتشلو

و الله رخمة بجد