يارب استرها معايا

سؤال في ذهني وكنت اتمنى القى له اجابة واضحه وصريحة ومنطقية ايضاً .. لكن الى الآن لم أجد من يستطيع الأجابة عليه ..
سؤالي / ليه معظم البنات بعد الزواج تتجه اجسامهم الى السمنة !؟ ( انتهى السؤال ) ..

سمعت الكثير من الشباب اللي يعانون من هالمشكلة اللي صارت مثل الشر اللي لابد منه !!
الحين نلقى البنات قبل الزواج في قمة اناقتها وزينتها والاهتمام بالاستايل المعين والجسم المتناسق وغيره
لكن بعد الزواج تصير الكارثة الكبيرة وهي انها تطنش كل شي كانت تهتم فيه .. يعني تاكل باليوم ست وجبات غير النوم والجلسات الطويلة قدام التلفزيون او الانترنت وجنبها طبعاً صحن فواكه او صحن مكسرات لزوم الاستمرار في المتابعة عشان ما تنزعج وتقوم وتفوت لقطة من الفلم او المسلسل مع الفضائيات الله يجزاهم خير قاموا يكثرون من الفواصل الأعلانية عشان مثل هالأمور الطارئه ( هلا والله ) ..

مالكم بالطويلة .. بعد الزواج تتغير طبيعة البنت ونفسيتها واشياء كثيره .. كأنها يوم كانت تتزين وتكشخ عشان تضمن الوظيفة قصدي تضمن الزواج والضحية طبعاً الزوج المسكين
اللي يفكر وقتها يتزوج ثانية لأن زوجته ماعاد تهتم بالا وش تبي عشا وجب معك خبز وانت جاي .. وترى المدرسة يبونك تجي عشان ولدك .. وترى الشغالة مهيب زينه نبي غيرها .. وهات من هالمشاكل العائلية المميته ..

طبعاً معذور الرجال لما يفكر بغيرها والله معذور وخاصة لما تزعل الزوجة وتقول ليش تتزوج غيري !!
مو انتي اهتمي بنفسك عشان تملين عين زوجك بعدين اذا حسيتي انك مو مقصره اسئلي ! والله يا قرائي الأعزاء ( كلبوكم ) ان هالموضوع باط كبدي ومضيقة صدري وخايف يصير لي مستقبلاً اذا تزوجت والله يصلح امي تقولي تزوج تراك كبرت وانا اقولها دوريلي بنت عندها مناعة من السمنة يعني لو اخليها تاكل سطل حلويات ما يصير شي .

يمكن فيه كثير غيري تكلموا بالموضوع هذا بس انا اليوم حبيت اني افضفض قبل ما اتزوج واروح فيها ويجيني ما جا غيري ويارب ان تستر علي وترحمني برحمتك وترزقني بوحده عندها مناعة من كل شي .. أنك غفور رحيم ..

...